الشاعر: سعود الدخيل الخالدي (ابوعلي) قالوا قصيمي

هذه قصيدة للشاعر / سعود الدخيل(ابوعلي)... أعجبتني
يقول:

قالوا قصيمي قلت ربعي هل الطيب ** نعم قصيمي رافع الراس للعال
ماني من اللي يمسك الحبل للسيب ** أو يرخص الشيمة لأبوا فلان بريال
أنا قصيمي وآل سـعود المعازيب ** وداري بريدة ديرة الجد والخال
ديرة رجال حاشت المجد والطيب ** يعل تسقيها المخاييل همال
دار النشامى ناطحين المواجيب ** اللي مراجلهم للأجيال ميثال

جماعتي ربعي رفاع المناسيب ** من روس قوم صوتهم جال وجتال
حنا حمينا الدار غصب بلا طيب ** وتاريخنا المشهور باقي ولا زال
ما هيب هرجات تردد و كاذيب ** لمتخلفين الناس تنشر بالأقوال
ويش قال لك العوني وقوله بنا مصيب ** قال الشرف قال الحقيقة والإكمال
قطاعة البيداء على شمخ النيب ** وعلى القدم داسوا مصاعيب وجبال
ومن ديرة البصره على الشام تغريب ** مشوه رجليه وهم بشهب اللال
اسنادي إلى جاء للصعايب طلاليب ** نطاحة الكايد حشيمين الأفعال
هم ربعي القصمان صقور الشخانيب ** نفخر بسمعتهم مع الناس تنقال

وجدي مع اللي سردبوا بالسراديب** هدوا مقاصير بها الضد نزال
مسمين الصلعان عصم الأشانيب ** انصار اخو نوره بالارواح والمال
أنصار أخو نوره بوقت المصاعيب ** يوم الزمان اللي به السلب وقتال
بأفعالهم نفخر وأعلمك يا ذيب ** وأصحى تعذربهم نسميك يا حثال
قلته عقب ما شفت هرج الكراعيب ** وشفت الأمور اللي قصيرات وهزال
من شلة كله حثايل زقاريب ** ما يعرف الصالح من الطالح الضال
يسبون دار العز دار الضواريب** رجالنا يسوى ثمانين خيال
راسي من الضيقة غدا ابيض من الشيب ** ومن سبهم فينا على غير مدلال
كانك تسب الدين فالسب عيب ** والدين شرع الله وهو عز وكمال
وكأنك تسب الحق واحداً من لمعازيب ** فقلبك مريض وبك عذاريب وخبال
والأمر بالمعروف ما به معاييب ** لا والذي نزل تبارك والأنفال
ما يرتضي بالجور حتى الخراعيب ** وطيش الكلام الشين للنفس غربال
أشكي على أهل العرف حيث المناسيب ** وعلى الرجال اللي يسمون عقال
ودي كلام الحق يلفظ من الجيب ** وراعي الخطأ عدل عن الميل لا مال
أنشد عن القصمان شبان ومشيب ** تلقى رجاجيل لهم وزن وثقال
اللي يعمرون المساجد بترتيب ** وفيها يقرون العقيدة للأطفال
ومنهم قضاة تأخذ الحق وتصيب ** حلالة النشبات في وقت الإشكال
ومنهم مناديب ومنهم مناصيب ** تسلحوا بالعلم في كل منوال
أولاد علي ما بهم شك أو ريب ** تكرم لحاهم عن غلط كل عذال
ستر العذاري خود بيض الرعابيب ** لاجا نهار فيه عج وزل زال
دونه نبيع الروح بليا مطاليب ** ونارد حياض الموت في كل أبو حال
لا شالوا العصيان شلنا المحاديب *** دون الشرف نزعل ولا نخاف رجال
يا معيبين الناس فيكم معايب ** ولو تفهمون العيب ما صرتوا أسفال
انا غثى حالي هروج الحطاطيب**ناس ن تعذربنا على غير مدلال

تسئ لسمعتنا المقصد وتخريب** وتغطي معايبها بتشويه الابطال

مخلفات اقوام ناس سكاريب **ختمان رجال مابهم عز ونزال

بغيت انا اتركهم وشفت التعاذيب** وصبري نفذ والناس ماترحم الحال

ياقطعك يا دنيا بنا شقة الجيب** عيال الحمايل مالهم كاري رجال

وقت ن بها الثعلب غدى اشجع من الذيب**وللبومة الخرساء صفا الجو ونجال

والله يالوللي  كما الشمس ما تغيب**اللي لهم في عالي المجد منزال

عيال اخو نوره اسباع الضواريب**اللي حمو نجد الأبيه للاجيال

اني لا اشب النار بأهل العذاريب** ولقول قول ن مابعد قيل ويقال
لساني له حدود سواة المشاذيب ** وأدرك عسير القول وأبحور الأمثال
مير أستعيب العيب وأدري المناقيب ** والناس ما بيهم يقولون وش قال
يالله يا المعبود يا عالم الغيب ** تدفع شرور الناس عنا والأهوال
وصلاة ربي عد رمل العراقيب ** على نبي ن للثقلين مرسال

صوت من يوتيوب